RUDANG-RUDANG MEJILE

adina enggo mbelin bage
mbelin daging ni baba nake
mbelin bekas pendidong doah
nande bapa perkuah
ras sikuning-kuningi mami
bibi mbancar metami

mehuli kel ajarna ndube
rikut bage toto ras pasu-pasu na

ula kel macik tangke rudang
rudang-rudang mejile
rudang-rudang mejile nake
tuah nung kade-kade

maka ersinal gelah baba
nande bapanta si me kap
payo me atenta tuhu
me dagena sipake pedahna

RUDANG GELUH

kena nge ateku man rudang geluhku
oooo....mama itingna
kena nge ateku man teman geluhku
oooo....bere nanginna

ula sempat melus kena rudang geluhku
ula sempat mejei ukurndu bangku
la lit si deban kena teman geluhku
kena kel ngenca ateku ngena

ula..ula..mela kena
nandangi aku
ula..ula..mela kena
njumpai aku

RUDANG-RUDANG SIKUSIKAPKEN

segedang-gedang geluhku
lalap ma iting
aminna ersalon gia aku
hanya untuk mama iting
ntah mejile gia aku
hanya untuk mama iting
hidup mama iting didalam jantungku
hidup dihatiku

rudang-rudang sikusikapken
man banndu saja
sada ngenca pindon ku banndu
ula sia-siakenndu
senang entah mesera pagi
aku enggo me ngasup
mejuah-juah ma iting
ula bangger-bangger ndeher rejekinta
mejuah-juah ma iting
ula bangger-bangger ndeher rejekinta

kundul pe aku berngi wari
kena ibas nipingku
medak pe aku erpagi-pagi
kena nge ibas ingetenku
peseh pagi tenahku
man mama iting ndai
suruh pagi balasna
surat cinta ku ndai
peseh pagi salamku
iting ateku ngena ndai
salam sayang selalu
man mama iting ndai

LUAH MAN NANDE RAS BAPA

Enggo kel ndekah aku lawes erlajang
ngalur-ngaluri elok pasar sigedang
mesikel aku nake mulih ku kuta
tedeh ateku jumpa nande ras bapa

enda aloken nande luahku banndu
ulih encari anak buah bara ndu
adi labias nande nukur bajundu
tukur ken saja lebe bage belondu

mejuah-mejuah nade bage pe bapa
ula kam bangger-bangger dage duana
lanai bo gutul kami anak-anakndu
sada pe lanai nimbak ajar pedahndu

adi andingken uga perbahanendu
mekepsa kami kerina anak-anakndu
alu setumbak gia emas permata
lenga bo bali jine jadi galarna

sarimara dage ku rumah tendi
nantang me ngalah daging ras gulut nipi
totoken kami anakndu sangap encari
gelah gejapndu pagi kutami-tami

jujuri gelah pasu-pasu Dibata
cawir metua dage nande ras bapa
penggurun kami kerina anak-anakndu
ingan ergani-gani kerina kempundu.....nande

RUDANG-RUDANG KEGELUHEN

Lit nge pagi malemna o nande
erlayas nge pagi dung na o bapa
gia genduari mesui kel atendu
gia genduari mesui kel atendu

labo man ukuren o nande
labo man tangkelen o bapa
gia kami anakndu la meteh mehuli
gia kami anakndu la meteh mehuli

kam nge nande kam me ngenca o bapa
rudang-rudang kegeluhen kami anakndu
labo ate kami nimbak ajarndu
labo ate kami nobang katandu
perban la beluh na nge ndube
kami anakndu

tuhu anakku nindu min nande
payo anakku nindu min bapa
hu..hu... tangis kel aku nande
hu..hu... ngandung kel aku bapa

TEDEHKU MAN NANDE

Ertahun-tahun aku enggo
geluh i babo pertibi enda
lenga sekali pe kel jine
kuidah rupandu nande

Maun-maun tengah berngi e
tedeh kam ateku oh nande
erlebuh aku ibas pusuhku
nande ningku sisada namberi tedehku

labo min aKU kurang kekelengen
sitadingken ndu e pe enggo bias engkelengi aku
labo kupersilahang kekelengen bapa siperkeri
tapi mesikel kel aku ngidah rupandu

mehuli kel nge min sambar ndu ndai buat bapa nande
bagi lau maler kekelengenna nandangi aku
iban lau kekelengena e kuperidiken nande
aku nge la beluh ngusap dagingku

metuah mehuli adi nggeluh anakku nindu oh nande
jumpai aku ibas nipingku sekali saja...sekali saja
jumpai aku ibas nipingku sekali saja